經過兩個多月的休息，在車禍中不幸導致傷殘的八歲男童明仔，身體已逐步康復過來，目前正在大口環李嘉誠康復中心療養，學習用義肢走路。由於明仔情緒仍然不穩定，家人婉拒記者探訪的要求，只肯以電話訪問透露明仔的近況。
明仔的養母陳女士說：「𠵱家明仔嘅傷口已經埋晒，左腳做咗植皮手術，右腳方面，醫院就暫時借咗隻義肢畀佢，等佢適應吓，學吓點樣行路。」
坎坷的明仔，自小由養父母照顧，今年八月十六日，明仔在香港仔大道過馬路的時候不幸被貨車撞倒，身受重傷，右腳更因為被車輪壓至稀爛，無法復原，醫生惟有替他進行切除手術，將膝蓋以下的小腿切去，並將於稍後替他裝上合適的義肢。
雖然明仔的康復進展令人滿意，但小小心靈所承受的創傷，卻並非一朝一夕可以彌補。陳女士表示：「明仔有時都會同我講，話好驚人哋會笑佢係跛仔，驚同學仔唔同佢玩，我做媽媽聽見都好心噏，𠵱家惟有多啲安慰佢，教佢勇敢啲面對現實。」
自明仔的不幸遭遇經報道後，社會人士紛紛伸出援手，日前記者連同慰問卡及一筆合共二萬五千四百元的善款轉交陳女士，她表示萬二分感激。
陳女士歎道：「醫院𠵱家幫明仔訂做義肢，價錢幾多暫時都唔知，幾千元至萬幾元都未定，況且明仔剛剛喺發育年齡，醫生話可能兩、三年就要換過一隻新嘅，我哋屋企環境又唔係咁好，我先生又失業咗成半年，呢筆錢真係可以幫輕我哋好多！」
捐款編號：C1070
暖流熱線
電話：29908688
傳真：23702192
電郵：
網址：