原來除咗長毛之外，重有其他人鍾意去立法會會議廳旁聽席示威，八方噚日下午三點幾去立會走一轉，就見到有個阿伯突然喺公眾席上激動大叫，大概係話叫董建華乜乜乜，又話梁錦松食咗一百幾億，保安馬上拖佢離開，費事嘈到會議，點知佢一邊走，重一邊用粗口鬧埋葉劉淑儀，幾乎鬧晒班政府高官同保皇黨。
立法會秘書處後來解釋拖走事件就講得好妙，話呢位阿伯姓張，因為佢有所申訴，所以帶咗佢去申訴部，寫低資料之後會再跟進。而張伯就比長毛好彩，因為佢屬初犯，所以秘書處只向佢發出勸喻，冇報警處理。
（圖）張伯噚日大鬧立法會，被保安帶走時仍不斷用粗口問候政府高官。
成啟聰攝
傳真︰2623-9278
電郵︰