有親人滯留喺祖國，就算幾反中亂港，都要焗住低頭。繼長毛得到國家天大恩寵，批准單次回鄉證去鄉下領番阿媽啲骨灰之後，唔覺唔覺，又輪到𠵱家都未攞到回鄉卡嘅劉千石，上星期返咗鄉下廣州再探阿媽。阿石噚日啱啱返到香港，趕得切去立法會開會，佢話自己上星期四返廣州，上星期五就係九十六歲嘅阿媽生日，不過令佢擔心嘅，係老媽子始終年事已高，身體冇以往咁精神，但見到乖仔返去探佢都好開心啦。
八方睇阿石同媽媽行街街嘅合照，先知原來佢姑姐年紀都唔細，已經九十二歲，兩位老人家加埋成二百歲，見到阿石，攬到佢實，唔捨得放佢走。皆因見埋今次，唔知下次又要等到幾時。
（圖）阿石（中）上星期返廣州陪九十六歲媽媽（左二）過生日，佢姑姐（右二）都已經九十二歲。
劉千石提供圖片
傳真︰2623-9278
電郵︰