特區政府最近正值多事之秋，有親嘢發生都唔慌係好事，難得即將有件喜事沖喜吓，就係政務司司長曾蔭權個大仔曾慶衍十二月結婚，煲呔曾榮升新翁，真係恭喜晒咯。
煲呔呢位公子都算係乖仔，係瑪麗醫院嘅外科醫生，沙士襲港期間，兒子處身最高危嘅醫療前線，煲呔不知幾擔心。𠵱家危機過去，煲呔可謂雙喜臨門，一方面放下心頭大石，重娶埋新抱。
其實，比起連孫女都有埋嘅細佬曾蔭培，煲呔已經輸咗個馬鼻，今次急起直追，唔怪得前兩日八方喺中環見到曾太好忙碌咁行嚟行去，唔知係咪為愛子嘅婚禮籌備？
傳真︰2623-9278
電郵︰