陳慧琳（Kelly）昨日到尖沙嘴為一間服裝店剪綵，引來大批歌迷和傳媒到場，把商場擠得水洩不通。談到有雜誌報道指她與男朋友Alex的十年感情告終，並指對方另結新歡，Kelly即肉緊地否認說：「梗係唔係啦！佢哋夾硬話我哋分手，我哋感情好好，平時都會見面，只係你哋睇唔到啫！我梗信佢，咁多年都知佢脾性。」
Kelly活動前曾看過該報道，還問過男友報道中所指的第三者是誰。問Kelly向男友查問是否不信任對方，她說：「因為知道要向記者解釋，咁我咪問佢囉！佢當日係去做戥穿石，嗰個女仔係新娘，真係大吉利是，啱啱結婚就俾人咁寫，真係唔好意思，新郎同新娘都係佢同學。」
報道又指Alex向大女人的Kelly迫婚不成而導致二人分手，Kelly對此說：「大家有默契，未有結婚打算，佢都冇求過婚。大女人係佢哋（雜誌）嘅角度睇，我喺佢面前係小女人，小鳥依人，可愛女人。」
採訪、攝影：王連連