一件衣服反覆曝光原是藝人大忌，但古天樂近日出席多個公開活動時，都穿上同一件紅色格仔恤衫示人，原來他近日愛上人氣急升的加拿大品牌DSquared2，其中這件令他一穿再穿的紅色格仔恤衫，因衣領有鐵線令線條更挺，頓成古仔心頭好。
古仔近日頻以DSquared2紅色格仔恤衫配Levi'sRED牛仔褲及adidas波鞋示人，還一連穿了兩日，對一個明星而言，的確出奇。古仔自言一向鍾情格仔恤衫，貪其classic之中又帶點casual的感覺，可惜配搭得宜的格仔圖案難求，故古仔每遇「靚格」，便即時買回家。
人氣急升的加拿大品牌DSquared2便因有格，而成為古仔今個秋冬季新寵，他早前更一擲十萬元在日本買入該品牌一系列冬裝。
古仔說：「我着咗呢個牌子半年，係我近期勁鍾意嘅牌子，呢件紅色格仔恤衫嘅領位加咗鐵線，着起嚟會挺好多，加上佢嘅cutting好有歐洲style，但size又唔會太大。」古仔先後穿上此恤衫到米埔出席環保活動及首映禮。
古仔穿衣之道首重自然，他說：「好似我覺得女性唔化妝就最自然，化淡妝其實難度最高，所以崇尚自然聽落好似好簡單，其實都有難度㗎！」
古仔又指今季流行綠色襯金色，日前他出席首映禮時，雖未有穿金，但以一件綠色外套配襯其心愛的紅色格仔恤衫。不過古仔笑言不會大量買入綠色衣服，他說：「綠色好蝦人着，東南亞嘅人着綠色好易俾人覺得似棵樹，所以雖然興我都唔會買太多呢隻色嘅衫。」
採訪：卓美娟
