中國人說鬼，一定「啋！啋！」咁聲，不過現代版媽咪百無禁忌，西方鬼節更當成節日慶祝。要感受節日氣氛，除了扮鬼扮馬上街慶祝，亦可以親手炮製一餐Halloween大餐。今次由主力煮Fusion菜的Ricky師傅親自示範，教你煮一頓易做兼食得落肚的萬聖節大餐。
記者：羅惠芬 攝影：陳盛臣
示範：美麗華酒店西宮總廚Ricky
打工仔上班最望過節，因為又有藉口放假去Wet。不過，做廚的Ricky就沒有這般幸運，別人放假，就是他最繁忙的工作天，沒過午夜也不能下班。
以萬聖節為例，每年都要花心思研究新菜式，「諗完食物的味道，就要諗點將食物包裝得有氣氛，血漿、棺材、鬼樣全部出齊。」做了十多年萬聖節餐，原來自己一次也未慶祝過，「細個家人唔興，無得玩；大個就輪到幫別人慶祝，一樣無機會。」不過，能夠做個Halloween歡樂天使，都不錯吧！
Ricky有個廚藝了得的母親，放工後不用自己煮飯，坐享其成就可以食了。「老實講，一日二十個小時對住廚房，放工梗想Relax一下，話收工後會煮飯一定呃你。」連Ricky媽媽亦未試過阿仔手勢。
萬聖節的由來，要追溯到公元前五世紀，當時居住於愛爾蘭的凱爾特人將10月31日定為夏末，象徵一年的結束。他們相信靈界大門在這晚會打開，鬼魂會到處找尋適合的替身。於是，凱爾特人戴上猙獰可怕的面具，打扮成鬼怪模樣，走到街上巡遊，以驅趕游魂野鬼。漸漸地，這些傳統習俗就演變成年輕人的慶祝活動，大家盡情在這晚扮鬼扮馬，過一個開開心心的節日。
萬聖節最着重氣氛，所以食物的賣相非常重要，即使沒有血淋淋的外觀，也要將食物包裝成跟Halloween有關的東西。例如師傅今次示範的菜，就用煙肉將鱸魚捲成木乃伊，加上用青瓜雕成棺材、龍眼做眼，賣相夠晒氣氛。最重要是難度不高，在家也不怕做不到。
小貼士：
1.如家中沒有焗爐，可改用煎的方法烹調鱸魚卷。煎時不用落油，因煙肉會出油，要邊煎邊倒去多餘油份，用慢火將肉煎成金黃色即可。
2.包鱸魚卷時，將冬菇底貼向鱸魚，可以讓冬菇吸入香草汁，更入味。
3.如想血橙汁較稠身，可加少許生粉同煮。
用咩料：
鱸魚柳 4安士
冬菇 3隻
煙肉 3片
青瓜 1/2條
龍眼、藍莓 各1粒
蝦膠 2安士
意大利粉 10條
香草及橄欖油 各適量
橙 1/2個
紅菜頭 1/2個
在萬聖節，小朋友愛以南瓜做面具，扮成骷髏骨、惡魔等模樣，到別人家前討糖果吃。所以，南瓜就成了萬聖節大餐的主角之一。南瓜含有極豐富的維他命A和B1，有明目作用，做湯不但味道香甜，小朋友多飲亦對眼睛有益。
小貼士：
意大利芫荽、法國葱和千里香，可以在Great、city’super等外國超市買到。想經濟一點，也可到超市買一般的香草，直接加橄欖油即可食用，不過香味就會稍遜。
用咩料：
南瓜 5安士
蟹肉 4安士
雞骨腸 1條
洋葱 1/4個
牛油 適量
忌廉湯 4湯匙
清雞湯 1罐
調味香草汁：
橄欖油 4湯匙
意大利芫荽 30克
法國葱 30克
千里香香草 30克
蒜頭和黑椒 各適量
