容祖兒及黃凱芹昨日出席在奧海城舉行的「買得開心食得健康」活動，黃凱芹獨個兒到場，身邊並沒有助手或唱片公司工作人員，他說：「唔知佢哋係咪唔知我今日要做嘢，又可能係公司有傳染病，又可能係公司唔夠人，我唔會怪佢哋，唔好諗人壞嘅一面，不過我嚟到都好愕然。」
問環球為何忽略黃凱芹，他說：「唔知係咪我做錯事，以我所知，自從近排有不滿同不和消息傳出之後，我係第一次一個人出席。」早前有傳黃凱芹因工作安排上的問題不滿李克勤，他說：「我用句歌詞係想表達自己，同埋我一向都唔會用是非做宣傳。」
此外，容祖兒在活動上親自下廚煮洋葱豬扒，可是她忘記落洋葱，她說：「我好少煮飯，因為媽咪唔俾我煮。演唱會之後我習慣每日都會做半個鐘運動，因為我想keep住腹肌。」 採訪、攝影：楊潔雯