早陣子，剛於德國法蘭克福車展上亮相嘅瑪莎拉蒂Quattroporte新車，想唔到中國車迷咁有面子，上個周末香港及國內嘅代理勵駿汽車，搞咗個好有意義嘅法拉利進入中國10周年紀念活動，兼且重得到廠方首肯，率先響北京展出全新份屬姊妹廠嘅瑪莎拉蒂第6代Quattroporte豪華轎車㖭！亞Mark聞得當晚新車發布會好隆重，響國家級嘅釣魚臺國賓館宴請各地汽車傳媒，至於嘉賓方面，重有廠方高層出席是次盛會呢！最想唔到嘅係，原來我哋嘅四眼編輯亦係被邀請出席嘅一分子，聽講話佢咁大個人，都係第一趟踏足北京，兼且又能夠代表報刊嘅身份，又難怪會咁開心㗎！亞Mark所知呢部Quattroporte豪華轎車，快者有望於明年中引入香港及國內市場，而車價方面雖然未有定案，但聽聞國內開賣亦不過二百多萬人民幣，相信於香港推出時，車價約一百萬元上落呢！