噚日，新地同恒基喺國際金融中心二期寫字樓嘅七十六樓，搞咗一場應該係全港最高（樓層）嘅記者會，八方去現場八卦，見到恒基副主席林高演。
林高演劈頭就話，唔同意有風水大師話國金二期因為太高，所以風水唔好嘅講法，因為高代表高瞻遠矚，而且國金二期除咗有四季酒店「四季」都支持住之外，背後更有太平山提供承托㖭！
林高演身邊嘅新地副主席兼董事總經理郭炳江接口話，有一個承租咗十八萬呎樓面嘅大客，扑槌前搵咗好多風水專家睇過，佢哋都不約而同地認為國金二期風水好。
郭二公子話，呢名篤信風水嘅客戶已擇定良辰吉日搬入國金二期，但要到十一月先至可以公布其名字，唔知有乜玄機呢？
傳真︰2623-9278
電郵︰