花旦王芳艷芬自從退出舞台之後，已經甚少喺公開場合露面，早排阿董話喺禮賓府頒個銅紫荊勳章畀佢，花旦王都冇出席。但係噚日喺香港大學「群芳講堂」命名典禮，身為主角之一嘅芳姐自然要同埋另一主角李曾超群出席啦。
雖然最近好多人都替芳姐只係攞到銅紫荊勳章不值，但係芳姐就好大方咁同八方講，攞獎係一個鼓勵，「不過藝術係唔可以秤幾多斤両，秤幾多斤。」
群芳講堂其實係港大為咗表揚「群芳慈善基金」對港大音樂系嘅捐助而命名，芳姐透露，最近有大學邀請佢重出江湖，向大學生講課，佢都心郁郁，但係就驚力不從心，所以重要考慮吓喎。陳國良攝
傳真︰2623-9278
電郵︰