有幸有巨星朋友參演《維港巨星匯》，於是有機會到後台開開眼界，門禁頗森嚴，保安工作大部份由外國人負責，做得不錯。
每位巨星在後台都得到一個私人帳篷，地方寬敞，除了梳、化、服外，尚有大量空間開私人派對，本地巨星與外國巨星的帳篷遙遙相隔，大家只可能在流動廁所附近碰到。本港巨星的酬勞是象徵式的，甚至有點為香港隨傳隨到的味道，但有幸演出，與有榮焉。
演唱會的舞台及音響一看便知由外國運到，開秀之後更得到證實，高音甜、中音準、低音勁，粒粒聲都咁清楚，聲音質素冇得頂。
添馬艦是香港僅餘的寶地，中環鬧市，被維港與美麗世界級大廈包圍，嘈到拆天也不會騷擾到人，實在是一流的演出場地。天公亦造美，秋天是香港最美麗的時分，不冷不熱、不乾不濕、只涼不凍，沒下過半滴雨水，甚至空氣的氣味都是清新的。
在種種理想的環境下，為何《維港巨星匯》還是搞得一團糟？誰還想推卸責任？誰每一次站出來還黑口黑面的似我哋做錯嘢多過佢做錯嘢？誰𢭃那麼多人工還大大聲說唔關佢事？誰說不用道歉？
各位朋友，今天《成語動畫廊》講的是「厚面皮」，大家跟我讀一次「厚面皮」，沒錯「厚面皮」……