陳慧珊、江芷妮和商天娥等昨日在旺角為無綫新劇《隔世追兇》拍外景，陳慧珊因劇情需要坐輪椅上陣，吸引了現場一些店舖的店員圍觀和索取簽名。
有報道指陳慧珊因為性格太寸，所以失去一個任腕表代言人的機會，損失了兩年約五百萬酬金廣告，陳慧珊對此說：「我𠵱家都傾緊幾個內地手表代言廣告，據我所知就冇報道嗰件事。
「人哋搵我做代言人，都係鍾意我形象夠cool，而且五百萬代言都冇可能，我身價唔係平，但五十萬就有可能。」陳慧珊更否認因性格招致損失工作機會，她說：「我cool得嚟唔係寸，我得個外表，同我合作過嘅人就會知。」
此外，陳慧珊有份主演的台慶劇《衝上雲霄》前日首播，她對收視充滿信心說：「我諗第一個禮拜會有三十點，預期會升到四十點，我同無綫傾新合約都七七八八，重差啲細節。」
採訪、攝影：CheokPoFa