今時今日嘅大學校長，已經唔再係高高在上，理工大學校長潘宗光噚日同班學生哥真情對話，就好感歎咁呻咗句，話「我係一個最大嘅乞兒」。
原來潘校長慨歎周圍搵人捐錢，搵十件最多只得三件肯捐，「俾人奚落到……」佢冇繼續講落去，淨係問「你知唔知」。真係聞者心酸！
點知後來有個學生重妙，話要周圍「乞」係因為學校質素差，啲有錢人其實好想社會好……。八方即刻望佢兩眼，唔通佢係有錢人？又相當唔似喎。轉頭，潘校長就好有修養咁叫佢唔好妄自菲薄。
潘校長，有乜好自卑吖；慈善伶王新馬仔都係扮乞兒唱《萬惡淫為首》名留千古啫。
傳真︰2623-9278
電郵︰