陳小春前晚在將軍澳電視廣播城錄影《梅艷芳真心相聚》節目，談到他日前以訪京團身份會見國家副主席曾慶紅時，竟做出反V不文手勢一事，小春說：「大家都係中國人，點解要跟英國人一套呀？我見到阿公，前兩晚已經興奮得瞓唔着。」
問小春何以用黑社會術語指曾慶紅是阿公？他說：「咁佢係大眾阿公嘛，唔係叫阿頭囉。」
此外，謝霆鋒與梅艷芳雖是上契姊弟，但前晚阿梅與一眾徒弟及好友在電視城錄影節目時，霆鋒卻缺席，反而到了阿梅助手王敏慧在跑馬地開設的紅酒館歎紅酒。昨日凌晨二時許，霆鋒的保母車停泊在紅酒館門外，至凌晨三時多才見他戴着墨鏡與助手一起離開。
霆鋒昨日出席港台活動時，被問到有否為女友王菲的新碟寫歌？他說：「我唔想提呢啲。」不過霆鋒表示稍後會重唱自己寫給其他歌手的歌，問到會否唱寫給阿菲的歌時，霆鋒說：「要揀過，我寫畀人啲歌夠出兩張碟，好似我寫畀Twins嘅歌，都知唔啱自己唱啦。」
採訪：王連連
攝影：仇志德、娛樂突發組