AirJordanXIIRetro難掀熱潮

我係H，係波鞋網站www.hk-kicks.com 的其中一個站長；嗜好有兩樣：儲波鞋同睇NBA。hk-kicks呢個網頁已成為華人社區「最人氣」的波鞋網站，但我哋仍會為成為世界最好的波鞋網及推廣波鞋文化而努力。今次在《蘋果日報》體育版的小專欄希望能夠與各位讀者分享下波鞋或NBA的「八卦」新聞！

一口氣推出8種顏色
美國時間十月二十七日又係波鞋迷破財的日子，由AirJordanXIIRetro展開序幕。今次唔知點解JordanBrand咁有信心，竟推出高筒五色，低筒三色共八色；其中黑/北卡色更只係供美國JordanBrand網站的會員網上訂購，連衞衣及Cap帽賣二百美元。香港暫定有黑紅（十月尾）及白藍黑（十二月），其他顏色未定，價錢為九百八十九港元。

與原版只差6年
個人對AJXIIRetro的銷售信心不大，原因有三：一.距離原版只差六年，不論ebay或水貨舖也見原版的蹤影，售價也跟複刻只差二、三百元；論收藏價值，梗係原版好，加上復刻推出的黑紅和黑白色當年跌至五百元都冇人買，復刻吸引力應該更差。
二，AJXII並不是佐敦系列中最經典的款式，不能和XI、I、XI相比。三，復刻版顏色不吸引、而且缺乏明星效應：佐敦已退出，難道你會因為咸姆頓着XII而購買嗎？最有星味嘅安東尼同碧比喺季前熱身賽所着的球員版亦唔會公開發售；JordanBrand球員版嘅顏色永遠靚過發售色似乎已成定律！
重有新加盟JordanBrand0嘅東西岸最好嘅控球後衞披頓同傑特都會重點宣傳AJ18.5；咁多不利因素，自然令到AJXII算盤未必打得響！除非柏賓着我就買！
H，hk-kicks.com頭目，最愛佐敦同柏賓，最怕寫字。
Email:[email protected]