煲呔曾雖然條頸重未痛完，但係都死頂要親自去韓國推銷沙士後嘅香港，見煲呔咁落力，頭側側都要去韓國，就知道為官唔容易，尤其係煲呔此行，始終唔係為咗去食殘廢餐。
不過煲呔今次去演講，離唔開嗰三幅被，就係猛話香港可以作為韓商進入大陸珠三角嘅跳板呀咁。呢啲台詞，唔知韓國佬會唔會聽厭。
香港噚日有記者為佢抱不平，問佢老細老董點解滬港合作要搵唐唐，唔搵番熟手技工煲呔負責？老董就話，煲呔搞嘅粵港合作範數多好多，要防埋沙士，但係長三角就只係屍爬嘅產物，呢啲嘢由頭都到尾都係財司負責，唔係有事鍾無艷，叫人唔好多心。
（圖）煲呔去到漢城，以「韓國與香港：活力與機遇」為題演講。
傳真︰2623-9278
電郵︰