張學友昨在港台活動上，公開表示除非四台聯頒，否則不願再領獎，對於他的立場，不少歌手都大表支持。
李克勤 ：我梗係舉手舉腳贊成，不過做起上嚟係有難度，但唔係難就代表唔去做，上太空夠難囉。
陳小春 ：好呀，成件事非常型呀！好過一陣製衣廠又話搞一個頒獎禮，飲品製造商又話搞一個，總之自己有獎攞就開心啦。
許志安 ：我一定支持啦！買衫都買少三套，起碼少幾萬蚊。
容祖兒 ：我贊成呀，雖然四個頒獎禮冇乜唔妥，但係一個始終好啲，多就唔矜貴啦。
梁詠琪 ：獎項呢啲嘢一向都係重質不重量，但另一方面有咁多頒獎禮都係好事，因為可以多啲機會見到啲歌迷。
梁漢文 ：咁做對歌手係一件好事，咁先至有代表性又唔混亂。但我都知要實踐係非常複雜，加埋有贊助商就更加難，不過有心搞一定可以成事。
謝霆鋒 ：若果可以喺一個統一嘅頒獎禮上面攞一個獎，咁意義就好重大啦，咁我寧願攞少啲獎或者冇獎都唔緊要呀。
鄭希怡 ：冇所謂贊唔贊成嘅，我認為頒獎禮就係畀歌手嘅一張成績表同埋鼓勵。