如果冇咗維港巨星匯，八方都唔知劉慧卿係RollingStones嘅忠實歌迷，繼佢早排親自出馬排隊買飛，實行與盧維思裏應外合，睇騷捧場之後，八方發覺佢近排無時無刻都將滾石樂隊掛喺口邊，噚日喺立法會保安事務委員會嘅聯席會議，原本大纜扯唔埋都講一輪滾石。
事緣個會討論嗰份處理犯事青少年嘅顧問報告，用咗五十萬，但就冇中譯本，卿姐就大歎：「繙譯佔好少錢啫，叫滾石樂隊唱少首歌就喺番度啦」。如果滾石真係慳啖氣唱少首歌，冇錯係慳番一筆公帑，但買咗飛嘅卿姐會唔會嫌物非所值呢？
傳真︰2623-9278
電郵︰