立法會議員陳智思前日撞車，架平治車頭嚴重損毀，但撞車事小，最慘係搞到冇得跟早餐派上京面聖事大，惟有無奈咁同八方呻句「冇辦法」。
不過唔緊要啦，陳智思老父陳有慶係前中華總商會會長，同中方關係咁好，有心唔怕遲，十月都係拜神時，將來實大把機會。佢正在私家醫院養傷，如無大礙，留院多一日就可以返屋企。
做議員一日三餐都要去飯局，紅酒加雪茄又冇時間做運動，通常都有個大肚腩，但陳智思絕對係例外，因為佢自細有心臟病，所以特別注重健康，每日都會做gym，星期六、日就做戶外活動，行山、去沙灘游水、打排球同網球瓣瓣掂，好彩有根底撞一嘢都唔散，從政者應該效法。
傳真︰2623-9278
電郵︰