鄭少秋（秋官）及康華昨日打保齡宣傳新劇，雖然近日天氣轉涼，但康華仍穿上性感吊帶裙，酥胸半露，她更在保齡球場內搔首弄姿搶鏡，秋官見狀即揶揄她以「三個波」打保齡，難怪最終取得勝利。
鄭少秋、康華、郭羨妮、白茵及滕麗名等，昨日在啟德保齡球會出席無綫劇集《非常外父》宣傳活動，康華穿上吊帶短裙打保齡，酥胸半露性感誘人，此舉被秋官揶揄她打保齡並不需要帶「三個波」。
近日天氣轉涼，可是康華昨日卻穿上吊帶裙，她又經常以慢動作打保齡，十分搞笑。秋官見狀取笑她說：「我哋打保齡係用一個波，唔係用三個波！」而白茵亦嫌康華動作太慢，她說：「康華你快啲啦，阻住晒，你咁慢會扣分。」結果康華的一隊取得勝利，而她還得到「最有姿勢獎」，秋官對此即說：「佢出幾個波，梗係突圍而出，咁咪贏囉！」而評判白茵準備頒獎給康華時，尚未宣布結果康華即搶先企出來，白茵說：「我未嗌你個名，你做乜自己行出嚟先？」
問打扮密實的滕麗名會否覺得被康華搶鏡？她說：「由得佢啦，我哋係好朋友，唔係又話我哋不和，我瘦身之後怕凍，你見我將拉鏈拉到上頸就知啦。」
此外，有雜誌拍下秋官的十四歲女兒與男伴逛街，並共飲一支汽水，對此秋官說：「雜誌應該打格出佢嘅相，囡囡同我講佢哋冇共飲一支汽水，我唔贊成咁細個拍拖，但到十六至十八歲就可以識吓朋友，有正常社交。」那麼秋官會否擔心女兒被口甜舌滑的男子欺騙？他說：「係咪好似我咁？最緊要心地善良同有上進心。」秋官表示已十六歲的欣宜仍未拍拖，他說：「欣宜話要瘦五十磅，佢𠵱家瘦咗二十磅，都有e-mail相畀妹妹睇。」
採訪：楊潔雯 攝影：何國豪
