信興電業集團主席兼董事長蒙民偉噚晚喺GrandHyatt請客，剛好撞正上海市長韓正又喺度請客，真係官商雲集，水洩不通。
八方以為佢老人家只係為慶祝公司成立五十周年請客，殊不知，佢有堅料宣布，就係已經請得廣播處前處長張敏儀做「信興教育及慈善基金」副主席，協助榮升做基金主席嘅公子蒙德揚統籌同埋策劃捐款。
蒙老先生重話，過去十幾二十年，都係由佢自己動腦筋諗個三億大元應該捐畀邊個，𠵱家就可以甩身啦。請到張大姐出山做大義工一定唔簡單，原來大姐嘅父親同蒙生相識，蒙生六歲就識敏儀，所以一叫到，冇法推。
（圖）蒙民偉（左）請到張大姐出山協助兒子蒙德揚（右），唔怪得喜上眉梢。
傳真︰2623-9278
電郵︰