雖然距離年底前，只剩得兩個月左右，惟香港車壇仍湧現不少人事變動，看來唔少汽車代理，正部署緊明年接踵而來嘅新攻勢，以挽回今年因香港經濟及SARS影響，令汽車銷量低落嘅困局。就正如早前轉投福方汽車，出任瑞典紳寶及德國歐寶GeneralMarketingManager一職嘅Damian，想唔到佢上任唔到半年，竟然響上周初經已向公司請辭，令外界即時引起唔少揣測；有口痕友同亞Mark講，話Damian今次突然離職，或許會重投𠵱家由仁孚行接管嘅韓國現代汽車，皆因佢亦曾係現代嘅掌舵人嘛！
然而，另一方嘅揣測，可會是早前某歐洲汽車品牌，快將於年底前有代理權易手嘅情況出現，有傳佢會轉職新代理新公司，響本地汽車業界看來實是好事一樁。究竟當事人嘅去向會係點？暫且俾佢賣個關子，靜待10月底前落實揭盅啦！