維港騷唱到AirSupply，不過，呢個騷最精采處不在添馬艦，而在下亞厘畢道。單睇董家班的傾軋，就好睇過《官場現形記》。八方上周同兩位高級公務員食晏，佢哋都係咁話；又爭住話要辭職。點解？原來在董式問責制下，有鑊唔係負政治責任嘅司長局長負責，而係搵個執行嘅公務員孭。咁第日警察拉錯人，消防救唔切火，咪全部要辭職要落台？
呢個騷係阿松嘅蘇州屎，唐英年當然冇乜興趣，加上開壞個頭，專責小組一司四局長全部變咗快閃黨，剩低隻米老鼠盧維思做儍仔。最好笑係上個禮拜話康文署屬下的地方開始幫手擺啲宣傳資料，乜咁高效率呀？何局長唔係有份開會咩？更好笑係主責其事嘅唐司長竟大大聲叫人唔好捉鬼住，咁係咪遲啲由佢去捉？捉嗰啲連寫封信去畀贊助商都唔肯嘅人呢？
傳真︰2623-9278
電郵︰