趙頌茹（Yu）及其師弟李逸朗（Don），前日傍晚在銅鑼灣一間唱片舖舉行簽名會，吸引約三百名fans到場，而阿Yu及阿Don更向每位fans送贈太陽帽。
阿Yu表示其新碟第一版出貨七千張，本來應於早前推出第二版，但因製作上出現問題，要延遲一周推出，但這對唱片公司已造成損失。提到其師傅雷有暉稱讚愛徒有潛質做樂壇天后，阿Yu笑說：「好多謝師傅，自己重需要時間磨練，做天后距離自己好遠呀。」
阿Don則揚言自己剛從東莞拍完電影趕返港，日前他在片中拍吊威吔，但事前卻未有穿上單車褲打底，他說：「我嗰日咪成日着住條底褲周圍走囉，啲武指話你自己整好啲個位，爆咗冇得賠㗎，我就冇爆，不過兩邊大髀整瘀晒。」
採訪、攝影：卓美娟