梁詠琪（GiGi）、黃凱芹、古天樂、方力申和薛凱琪等，前晚在葵青劇院演藝廳演出港台主辦的《平等機會共同體》音樂劇，平機會主席王見秋與女兒王穎妤亦有捧場。
黃凱芹在音樂劇中與GiGi飾演情侶，在台上GiGi坐在有轆的椅子上，黃凱芹用力推她到台的另一端，豈料台上的地板因為有凹凸位，GiGi幾乎被拋出椅子，嚇得觀眾目瞪口呆。
GiGi事後笑說：「綵排嗰陣已發現地板有凹凸位，所以凱芹已經冇用咁大力，否則我一定成個飛咗出嚟。遲啲我同歌迷搞聚會，都想搞個咁嘅音樂劇，如果劇本啱，搵伊健做都冇所謂。」
此外，黃凱芹最近屢被傳與李克勤不和，前晚他說：「環球選中我做呢個宣傳，證明我有利用價值，但我同克勤真係冇嘢，之前我已經同陳少寶講，唔會再用旁門左道做宣傳。」
採訪：李珮如
