鍾欣桐（阿嬌）昨日在鑽石山宣傳電影《絕種鐵金剛》，提到日前以三萬多元購入蜜蠟，後涉及退錢糾紛，結果該店報警聲稱被恐嚇時，阿嬌一度激動落淚。
阿嬌說：「阿Sa（蔡卓妍）媽咪睇過啲蜜蠟，我契媽嘅哥哥都識睇，佢哋都話係假。我去番間舖度問，售貨員話老闆娘唔喺度。之後契媽叫我將剩低嘅四、五條蜜蠟攞畀佢，我媽咪、契媽同契媽個哥哥去間舖要求退錢前，已備咗案。我畀咁多錢出嚟，唔想係假，啲錢好辛苦搵番嚟，我唔想俾人呃錢。」阿嬌說到激動時，更熱淚盈眶。
對於該店老闆娘指有男子拍枱拍櫈，阿嬌說：「梗係冇啦，我唔識人拍枱拍櫈，我上法庭都得，我會去消委會投訴。」而Twins昨到德福廣場出席活動時，阿Sa力撐好友說：「我覺得間舖有啲反咬人一啖，佢（店舖老闆）咁做唔係好應該。」
採訪、攝影：李珮洳