區議會選舉雖然下個月二十三日先至舉行，但各路人馬已經馬不停蹄拉票，八方噚日就聽到有候選人喺度叫咪，聽清楚把聲咁熟，原來係7.1遊行，老老實實咁報稱有五十萬嘅職工盟蔡耀昌。
八方問呢位7.1遊行嘅大旗手點解會喺度叫咪，先知道佢老兄今年參選區議會，喺沙田火炭區同競逐連任嘅廖韻兒爭出線。蔡耀昌上次立法會選舉已經係循新界東參選，但係未能打低對手，今次由基層選起，因為想為地區服務喎！
蔡耀昌從未參加過區選，7.1有冇幫助？有人話，睇佢薯薯嘜嘜咁嘅樣，缺乏領袖魅力，區議會講緊通坑渠，佢可以勝任嘅。火炭呢個選區其實都好特別，有工廠、鄉村，亦有中產同九肚山富貴人家，當然重有馬會員工，咁多私樓對空降嘅「阿狗」亦可能有利。
今次區選，職工盟只有三人應戰，好似「阿牛」曾健成咁打住獨立民主派旗幟嘅候選人就唔少。
傳真︰2623-9278
電郵︰