李克勤、郭富城、莫文蔚和許志安前晚在北京演出《京港都會展雙輝》，早前有消息指李克勤願以舊合約的半價歌酬續約環球唱片，對此克勤說：「𠵱家靠出唱片搵唔到錢，要靠登台或開個唱搵錢，所以續唱片約，錢係次要，最緊要幫我出到國語碟。」
環球高層陳少寶早前因涉樂壇貪污案被捕，克勤對此說：「其實少寶對我都幾好，不過人哋𠵱家飲緊嘢，等件事水落石出先作定論啦！免得一個唔覺意佢有乜事，我又簽咗，咁我點算？其實做生不如做熟，我都想繼續同環球合作。」
另外，昨日是城城三十八歲生日，大會前晚在他唱歌中途突然推出生日蛋糕，令他十分感動。
記者陳偉權北京直擊