唔知係咪董建華嗰樣特別易畫，抑或凡係有佢嘅嘜頭嘅產品都會特別易賣。八方噚日行經佐敦一間專賣雜貨嘅舖頭，竟然見到一個掉轉咗嘅掃把，望落成個阿董咁樣。
睇真啲，原來係支雞毛掃，其實支雞毛掃正擺都得吖，唔知店主係有心定無意，倒轉嚟掛，一睇就覺得係倒董囉。八方見咁得意就攞起手睇吓啦，先發現阿董乜成個師奶咁款？又戴耳環又着裙。再睇埋佢嘅生產廠家，先知原來係一間廣州公司，唔知佢哋係咪覺得有阿董頭像嘅嘢會好賣啲，但又怕喺上面觸犯天條，所以專登將佢嗰樣改成個師奶款，算佢抵死！
不過八方後來問店主，佢話呢批貨都入咗有成幾個月，倒轉掛唔係倒董，亦都唔見特別好賣。
（圖）師奶版嘅阿董雞毛掃，原來唔係好好賣。
傳真︰2623-9278
電郵︰