住家菜：食得健康要有機
糙米燴飯香噴噴

愈來愈懂得追求健康生活的香港人，在食這方面，卻屬後知後覺型。就如今次為大家示範的家慧，如非在健康食品公司工作，相信也會是無煎炸不歡之士。一年前試食過有機食物後，馬上被吸引。「因為有機食品不會使用農藥和化學肥料，亦不會加入色素、防腐劑等對人體有害的物質，對健康最好。」大家收到未？

記者：羅惠芬
攝影：梁細權
模特兒：Jack&Yoko（SunSpot）

當記者以前，家慧自言是一個擦得之人，每餐無十分飽都唔停口。揀的菜式以煎炸為主，唔肥膩唔食。入行做記者後，需要四出搜括飲食新消息，食的機會更多，加上工作唔定時，健康狀況愈來愈差。「捱夜多，加上食唔定時，煎炸食物又多，唔止皮膚出晒粒粒，連排泄系統亦差，自然無晒心機。」

轉工改變飲食有機食物為主
一切轉變出自轉工後。自上年轉做健康食品公關，耳濡目染下，家慧連飲食習慣也改過來，愈吃愈健康，最明顯是皮膚都好咗。一般人認為貴兼無味的有機食物，在曾從事飲食記者的她眼中，卻是無價寶。「無添加梗係健康啲，我整有機小食最叻。」

鬆化燕麥種籽鬆餅
燕麥種籽鬆餅是家慧最喜愛的小食之一，賦閒在家就會整，只因易整又健康。成份中的阿麻籽、黑芝麻和南瓜籽，含有豐富的纖維和礦物質，有助減少體內毒素積聚。至於燕麥片則含水溶性纖維和蛋白質，有助降低血脂及降血壓。家慧每朝都會食佢當早餐，「食時塗上忌廉和果醬，味道重好。」

用咩料：
麵粉 250克
發粉 1茶匙
有機燕麥片 5湯匙
牛油 40克
脫脂牛奶 200毫升
有機阿麻籽
有機南瓜籽
有機黑芝麻
砂糖 2湯匙
有機蜜糖 2湯匙

好易煮：

買料貼士：
上述有機食品均可在city'super、大型超級市場如惠康、部份吉之島買到，售價約十零至二十零蚊不等。

煙韌意式燴飯
自言每晚要有飯落肚的家慧，一向最欣賞意式飯，貪佢煙煙韌韌，口感十足。一心自煮的她，就揀了有機短糙米做材料。有機短糙米只打走穀殼，保留大量營養，纖維比白米更豐富。同時有助改善消化系統，保持腸道暢通。不過，最吸引家慧的地方，是食後很快產生飽肚感覺，容易控制食量，瘦身最適合。

用咩料：
有機短糙米 11/2碗
小型甘笋 1隻
冬菇 少許
車厘茄 200克
清湯 21/2碗
鹽、香草、檸檬皮及芝士粉 各適量

好易煮：

買料貼士：
1.市面常見的糙米呈長條形，有機糙米則較短身，食落口感會軟身一點。
2.糙米可在各city'super、大型惠康超級市場及部份吉之島百貨有售，約三十零蚊一小包。

試食報告
Jack：個飯香噴噴，而且好有口感，加埋檸檬皮和芝士粉，夠新鮮。