名模琦琦的新書《琦琦的選擇》在內地出版，並於前日在上海舉行新聞發布會，前來捧場的好友眾多，包括於八十年代紅極一時的超模LindaEvangelista和任賢齊等，令琦琦十分感動。琦琦表示新聞發布會前一晚，她緊張致發噩夢，夢見自己唱歌走音，嚇走觀眾。
名模琦琦在內地推出新書《琦琦的選擇》，前日她穿上自己設計、交由時裝設計師好友馬偉明幫她做的服裝，在上海麗嘉酒店舉行新聞發布會，專程從維也納到上海的雙親、好友任賢齊和八十年代紅極一時的超模LindaEvangelista現身支持。
稍後琦琦會舉行巡迴簽名會，地點遍及北京、上海、大連及杭州等地。絕少以泳裝示人的她穿上EmilioPucci比堅尼泳裝拍攝新書封面，十分吸引。問她為何會作出大突破？她說：「好嘢梗係留番畀自己本書啦。」
琦琦又表示心情十分緊張，她說：「好耐未試過咁緊張，知道有咁多朋友嚟捧我場，我喺後台真係忍唔住想喊。大前晚我緊張到發噩夢，夢見喺新聞會上司儀叫我上台唱歌，點知我唱到走晒音，搞到台下觀眾走晒。」
而與琦琦認識逾十年的超模LindaEvangelista，以英語接受訪問，意譯如下：「我同琦琦十年前已經合作，嗰時我初到北京，琦琦好照顧我。咁多年冇見，我覺得佢一樣咁靚，保養得好好，大前日我哋重一齊逛古董街㖭！」其他捧琦琦場的嘉賓還包括服裝名牌Lanvin設計師AlberElbaz及SalvatoreFerragamo副總裁GiovannaGentileFerragamo等。
而任賢齊則從北京趕往上海支持好友琦琦，他說：「琦琦係外表同內心都咁美麗嘅人，我第一次喺香港開個人演唱會，佢已經有嚟捧我場，之後又幫我做過形象設計，我做埋名表歐米茄代言人後，不時要去外地出席活動，見慣大場面嘅琦琦重成日照顧我。」
