鄭中基和女友楊千嬅前晚同場演出，鄭中基未知是否心情太興奮，除了唱自己新歌《儍大哥》時甩嘴，與Cookies合唱《心急人上》更跟不上拍子，大發台瘟，認真失威。事後鄭中基歸咎支咪失靈，以致頻頻出錯。
鄭中基和女友楊千嬅、何韻詩、梁漢文（梁炳）及四人女子組合Cookies等，前晚在灣仔會展演出「Budweiser903SuperRedLive2003」，出場時咪卻失靈，鄭中基等你眼望我眼，互打眼色，狀甚尷尬。
鄭中基與女友楊千嬅同台演出，二人有眼神交流。未知是否因為千嬅在場，表現興奮的鄭中基與梁炳在台上跑來跑去，鄭中基唱新歌《儍大哥》時又甩嘴，需要重頭再唱，其後跟Cookies合唱《心急人上》時，又入不到拍子。
問鄭中基為何發台瘟？他說：「我好少咁亂，咁啱之前個咪又冇聲，我又緊張，呢排好少出席音樂騷，未試過一次演出有咁多意外嘅。」現場有人取笑鄭中基是否因為與Honey同場？他即說：「唔關佢事，佢喺唔喺度都係咁。」記者沒有開名指Honey是楊千嬅，鄭中基如此答法即是確認千嬅女友地位，所以顯得尷尬。
昨晚鄭中基有份和老牌澳洲樂隊AirSupply演出《維港巨星匯》，鄭中基卻暗寸AirSupply說：「我應該係第一或者第二個出場，但係如果老人家想早啲瞓，我唔介意第三個出場，可能前輩會有時差。」
對於港台頒獎禮提早舉行，千嬅十二月才推出唱片，問她會否怕輸蝕？她說：「我唔係為攞獎而做音樂，用平常心面對獎項。」
此外，有報道指蘇永康力追張栢芝，身為康仔好友的梁炳說：「唔係啩，佢哋兩個冇可能，我聽到都好心寒。」
採訪：王連連
