快將抵港嘅新一代日產Cefiro，車廂布局係以ModernLuxury為主題，設計師希望將現代家居設計及和風等元素，融入響新車嘅車廂設計之中，務求令乘客響打開車門後，可有「回家」嗰份自在感覺。
然而，日本建築嘅特色就係簡單鮮明，並極富視覺美感；故此設計師響設計全新Cefiro嘅中控台時，就將之變成簡約而極具線條美嘅裝置藝術，而且重帶有一份實用性。另外，日本家居流行嘅木材紋理（Masame），亦被引入於新車嘅車廂中，而波箱位置亦借用咗長餐枱嘅概念，中央平台成水平一直伸延到後座，從而加強前後兩排乘客嘅溝通呢！
不過全車最突出嘅，莫過於係由堀由紀先生負責設計嘅座椅，無論觀感及觸覺都有如一張DesignerChair般來得美輪美奐。綜合以上各點，全新日產Cefiro不單係代步工具，更係車主對生活質素、品味嘅更高訴求。