民主倒董力量噚日係旺角行人專用區進行倒董T恤售賣籌款活動，今次賣嘅主要有四款畫有倒董漫畫嘅黑白色T恤，每件賣三十蚊，喺短短三個鐘內賣出三十多件，睇嚟市民嘅反應都相當唔錯。有一位李太用二百蚊買咗三件，佢話係外國朋友叫佢代買。估唔到倒董恤喺外國都有市場。
民主倒董力量秘書邱建華話，前日生意重好過噚日，半日已籌到二千幾蚊，而其中支持佢哋嘅好多都係後生仔女。佢話，佢哋個小販牌照申請至下月七日，不過希望日後都重有機會繼續賣落去。
噚日佢哋喺旺角擺完後又搬竇去紅館外賣，佢哋話因為聽毓民棟篤笑嘅都係一啲唔鍾意董建華嘅人，嗰邊市場會更大。
（圖）四款畫有倒董漫畫嘅T恤，三個鐘賣咗三十多件。
傳真︰2623-9278
電郵︰