黃英琦喺灣仔樂活區自動當選，最唔開心嘅竟然係佢老公，前高官周德熙。
周兄何解不悅？皆因佢好想試吓企係條街拉票嘅感受，可惜𠵱家老婆唔使選，真掃興。黃英琦亦話：「佢已經應承咗同我拉票。」真係好鬼恩愛。
八方笑周兄，如果真係咁想試吓上街派傳單嘅滋味，可以幫吓啲大律師，幫吓同自己有相同信念嘅候選人拉票洗樓，一樣咁好玩。
當然周德熙嘅反應唔係咁熱烈，佢都係個句，就係以前做官冇機會幫老婆拉票，今次專登陪埋佢去報名，以為可以用行動支持佢，點知一截止報名，就自動當選。
八方問周德熙點慶祝？佢話咪趁秋高氣爽返中山打番場高球囉，至於黃英琦就聲帶發炎，佢話等好番再補祝都未遲喎。
傳真︰2623-9278
電郵︰