昨日是朱茵三十二歲正日生日，壽星女在生日會上，接受由荷花池出來的猛男獻花，並切巨型蛋糕慶祝，但生日蛋糕上竟然沒有她的名字，只有贊助商的名字。
朱茵昨日與fans在荃灣顯達俱樂部慶祝她三十二歲生日，大會now.com除為她安排了一位猛男從浮着荷花的泳池裏游向她，並上水送一紮荷花作生日禮物外，更送上一個巨型荷花生日蛋糕予她，不過甚為搞笑的是生日蛋糕上是沒有朱茵的名字，只有大會now.com大大個名牌，甚至切餅刀及咪牌，均非常巨大，似乎有點兒喧賓奪主。
早前倪震在電台節目中大讚朱茵男友黃貫中阿Paul是絕頂好男人，甘為女友禁慾五年，爆出朱茵抗拒婚前性行為一事，而阿Paul亦公開回應自己可以從音樂上發洩，昨日問及此事，一向以被喻為性感女神的朱茵，坦言在這方面非常保守。
朱茵說：「我唔明倪震點解會咁講，乜原來佢哋咁friend㗎？嬲我就冇嬲，但就好尷尬，我覺得唔應該擺上枱當茶餘飯後話題，呢樣嘢我好傳統，我唔覺得好笑，只覺得核突同尷尬。我有問番阿Paul，我知佢唔會咁講，但佢都答得好，帶出音樂其中一個好處。」
此外，問朱茵將會與男友阿Paul如何慶祝生日？她說：「噚晚已經慶祝咗，佢咁忙都帶咗花同蛋糕嚟我屋企，個蛋糕重係心形，我未切過心形蛋糕㗎，同埋紮花好大紮，我知佢專登去訂，因為一個花樽都插唔晒，我要逐支逐支插，總之已經搞到我好冧。」
問朱茵阿Paul有否送戒指？她連忙笑說：「畀個空間我啦，至於送乜嘢禮物就唔好講啦，有少少驚喜。」二人計劃何時結婚？她說：「呢個係幾慎重嘅決定，但暫時唔會。」換言之阿Paul又要繼續等兼繼續忍！
採訪、攝影：馮美茵
