車展速報：第37屆東京車展現場直擊<br>鈴木電單車最誘人

如果大家有留意我哋嘅報道的話，定必留意到響今屆東京車展上，各車廠都展出咗多款新車及概念車，令在場車迷可有目不暇給之感；但原來電單車方面，亦有多款新型號登場，其中又以鈴木電單車最引人注目。不如𠵱家就一齊嚟睇吓，其中幾款最吸引嘅電單車啦！記者、攝影：何永仁
部份圖片由大會提供

Suzuki
G-Strider未來新路向
或者當大家第一眼見到呢部鈴木G-Strider嗰陣，都會與筆者一樣，被佢嗰個好有CyberFeel嘅造型深深咁吸引住，但原來佢除咗樣靚有型之餘，一台916cc水冷式四衝程偈所迸發出嘅強勁輸出，性能表現可謂毋庸置疑；而廠方更特別為其裝上一套全新嘅SuzukiAdvancedNavigationSystem，更能為你帶來不少方便呢！

Skywave400TypeS
實用至上
向來備受用家追捧嘅Skywave系列，旗下嘅Skywave400TypeS型號，亦有於車展會場內展出，車子不但外形獨特吸引之餘，一台385cc水冷四衝程引擎，更能為其提供有充裕嘅動力輸出。

Skywave650TypeS
隆重登場
鈴木廠方為吸引更多車迷，故此除於車展會場內，展出走實用路線嘅Skywave400TypeS之餘，亦響場內展出快將登場嘅全新Skywave650TypeS電單車，兩者賣相同樣以踏實為主，但後者卻改換上一台638cc四衝程引擎，表現更見突出富動感。

GSXR600
跑味十足
而響鈴木展館嘅另一端，廠方就展出咗一系列Fairing車，當中最惹人注目嘅，莫過於係呢部GSXR600；事關佢不但賣相突出吸引，而一台600cc偈重有唔錯嘅動力輸出㖭！

CBR1000RR
跑得盡情
由本田推出嘅Fairing車，向來都係電單車迷夢寐以求想擁有嘅車款；而大家眼前呢款比現行CBR945RR更高層次，兼且快將推出嘅CBR1000RR，勢必將所有車迷深深咁吸引住。車子外表不但秉承有原車嘅跑車性格，而一台全新998cc水冷四衝程偈，所摒發出嘅強勁動力輸出，定能令你一試難忘。

Griffon樣靚有型
仍屬概念型號嘅Griffon，賣相獨特吸引唔在講，性能表現重一啲都唔差㖭！皆因廠方為其安排有一台750cc水冷式四衝程引擎，動力輸出充裕，絕能令人對其留有深刻印象。

CB1300SuperFour
Type-R個性盡顯現
至於跟住落嚟呢款CB1300SuperFourTypeR，極其跑車化嘅造型，正好顯現出佢嗰份響賽車場上，經常與其他對手努力作戰嘅勇猛性格，當然一台輸出強勁嘅1300cc水冷四衝程引擎，亦見功不可沒，難怪佢可以用嚟參加耐力賽啦！

Divide/Pocke環保先驅
Yamaha響今屆東京車展上，不但展示出各式各樣嘅新款電單車外，而且重展出咗兩款分別名為Divide及Pocke嘅「電單車」，兩者不但同樣以電能作驅動外，而Divide重可以收摺起來，方便儲存。

GrandMajestyYP250
好用又好力
Yamaha響今次車展會場中，展出咗一款最新嘅GrandMajestyYP250，外表看來踏實之餘又富有動感，乘坐舒適感亦見不俗；而一台能輸出24匹馬力嘅249cc引擎，表現亦一啲都唔差㗎！

TMAXXP500
此外，場內亦展出咗一款名為TMAXXP500嘅新車，賣相獨特吸引唔在講，而且實用性亦唔低，當然重有一台能夠為你提供44.4匹馬力，同埋4.9kgm扭力輸出嘅499cc引擎啦！

VN2000型到震
呢部VN2000係Kawasaki電單車嘅最新型號，佢配有一台最新嘅2053ccV2引擎，動力輸出充裕唔在講，出色操控表現及造型設計，亦為此車賣點之一呢！

NinjaZX6RR勇猛煞食
而另一部備受車迷注視嘅，相信非呢部NinjaZX6RR莫屬，一身鮮綠色嘅車身色調夠晒鮮豔奪目，而引擎配搭則為一台599cc水冷四衝程型號。

車展速報：第37屆東京車展現場直擊鈴木電單車最誘人

車展速報：第37屆東京車展現場直擊
鈴木電單車最誘人