李華明呢輪成日出鏡,八方問佢乜咁紅,肥仔明話要多謝區選。原來一踏入選舉時期,電子傳媒都好聽胡國興話,將候選人列晒入黑名單,訪問佢哋,免得就免,費事俾人投訴大細超。
白鴿黨有何俊仁、鄭家富、黃成智同埋涂謹申四個立會議員參選,李永達亦出戰葵青,咁多瓣都冇咗發言人,咪無端端益咗肥仔明囉。
選舉期間大家都搏命出位。最近立會嘅辯論時間,兩大黨就爭崩頭,肥仔明話自己每年嘅例牌菜、叫水電煤減價嘅動議辯論都俾對手截胡,真激死,只好諗過另一個題目。
傳真︰2623-9278
電郵︰