電影《我的Band5男友》嘅靚仔男主角權相祐，外表斯斯文文，但佢啲fans就勢兇夾狼！前日權相祐舉行咗一個為數約一千名fans嘅聚會，點知未開始簽名啫，啲fans已經將權相祐塊面抓損，又扯爛佢件衫同打碎佢副眼鏡，重𠝹花埋架保母車！最後大會為咗權相祐安全着想，即時中止簽名會，今次啲fans可算係得不償失。