由公共圖書館同藝術發展局合辦嘅「第七屆香港中文文學雙年獎」噚日公布各組別嘅獲獎名單。
新詩組獲獎嘅係關夢南嘅《關夢南詩集》，散文組嘅得獎作品係董橋嘅《從前》，而小說組就有兩位，分別係王良和嘅《魚咒》同王貽興嘅《無城有愛》，至於文學評論組就由黃繼持嘅《魯迅．陳映真．朱光潛》奪獎，兒童少年文學組得獎嘅就係黃慶雲作品《貓咪QQ的奇遇》。
談文論藝，八方自問未夠資格，喺公司見到我哋嘅董社長，都只係恭喜佢攞咗獎。今次不厭其煩咁抄份名單出嚟，只係想大家有機會應該支持吓本地文學，尤其世道紛擾時，文學就更加有需要。
傳真︰2623-9278
電郵︰