八方早前話過恒隆集團主席陳啟宗喺年報只係鬧立法會議員，唔鬧董生；陳啟宗噚日回應，話董生已被人鬧到隻嘢咁，聽到悶晒啦！至於點解要鬧立法會議員？佢話九九年時，本港樓價已經跌超過一半，已經係個差唔多要死嘅病人，當時有啲唔識經濟嘅議員，重喺度叫政府唔好放寬壓抑樓市措施，結果搞到今日咁樣，佢哋都有責任；佢希望班立法會議員日後凡事要三思，做得好啲。
佢又質疑有啲傳媒對政府乜嘢都鬧，是否有理性。「政府行左，你打佢一巴；行右，你又打佢一巴」，佢提醒傳媒要有公民責任，因為傳媒可影響輿論，甚至領導輿論，係社會重要一環。陳啟宗重話覺得香港政府表現其實已經唔錯──西九龍項目例外。
傳真︰2623-9278
電郵︰