律政司司長梁愛詩以往上京，例牌幫襯政協副主席霍英東間貴賓樓，點知今次佢突然轉咗幫襯誠哥間東方君悅，八方以為司長想轉換一下口味，又或者係對貴賓樓有乜不滿啦。
點知司長一聽八方咁問，就立刻大發嬌嗔，話演藝界班人上京，霸咗貴賓樓成百間房，搞到佢冇房住。
但係，同樣秘密上京傾太空英雄楊利偉下周訪港嘅何志平就有房，唔通何局長咁大膽霸咗司長間房？
講開楊利偉同神舟五號，原來司長唔知今次運到香港展覽嗰個返回艙係真嘢嚟嘅，佢同記者茶敍時重好驚訝咁問，乜唔係仿製品咩？佢喺太空飛咁耐，咪好多幅射？睇見司長咁天真個樣，實在令人覺得佢有時都幾可愛㗎喎。
傳真︰2623-9278
電郵︰