方力申（Alex）與鄧麗欣（Stephy）最近頻頻合作，更因而傳出緋聞，雖然兩人異口同聲說只是兄妹情，但二人無論在事業及愛情的觀點上都有很多相同之處，Alex表面雖說對Stephy了解不多，但言談間卻流露出百般了解之情。
方力申與鄧麗欣早前因為結伴逛街，Alex更為Stephy簽卡付錢，旋即傳出戀聞，而最近二人因合唱一曲《好心好報》，拍拖之說更是甚囂塵上，究竟二人是否真的拍拖？Alex和Stephy日前接受訪問，Alex竟說：「其實我哋喺現實生活中唔係咁熟，但最近因為多咗合作機會，可以話了解多咗。」
問到Alex和Stephy再相處下去可有機會發展成為真正情侶？他們異口同聲說：「做兄妹好啲。」Alex續說：「其實我覺得我畀唔到啲乜Stephy，而我自己嘅擇偶條件都冇話要乜嘢類型，真係要相處耐啲，先可以知道佢適唔適合自己，暫時都係做住螢幕情侶好啲。」而Stephy亦表示認同Alex的說法。二人雖然表示現階段不是情侶，但言語間卻強調「暫時」性，為未來鋪路。
雖然Alex表示對Stephy不太了解，但問到二人對彼此的感覺時，Alex卻又能說出Stephy的性格，Alex謂：「我覺得Stephy個人好保護自己，唔會容易講出佢自己嘅心事，佢好容易相處，但又比較情緒化，我覺得Cookies其他嘅成員唔係咁了解佢，而且Stephy事業心都好重，感情方面好理智，我自己都係。」
而Stephy亦坦言：「Alex都講得幾啱，但我就唔覺自己情緒化，只係我唔會將開心同唔開心都放喺塊面度，我亦都唔會容易為愛情而受傷。」
採訪：王連連 攝影：甄朝健
