香港畢業嘅大學生做生意，夠唔夠其他國家嘅大學生鬥呢？今次有一個大比拼機會。香港科技大學商學院得到花旗集團贊助，喺香港舉辦一個畀全球大學商學院學生參加嘅「企業案例分析」比賽。
科大傳訊及對外事務主任孔芬芳同八方講，今次參加嘅大學來自丹麥、美國、加拿大、新加坡、台灣、泰國和中國，復旦、清華都有參加，一共有十六所大學，六十四名學生參與，香港代表就係科大。
佢哋噚日首先聽花旗經濟師講解亞洲同大中華嘅經濟狀況，然後會有一個實際嘅企業案例畀佢哋研究，佢哋要從會計、經濟、金融、市場、管理、策略及科技上提供意見分析，如何為企業改善管理提高盈利，並於周六提交有關報告及簡介，得獎名單亦於同日公布。到時就知道邊個醒啲。
傳真︰2623-9278
電郵︰