拍過無綫劇集《當四葉草碰上劍尖時》的新人姚子羚，日前接受記者訪問時坦言不滿意今次的演出。
姚子羚說：「其實我覺得自己嘅表現唔合格㗎，不過第一次拍劇，同其他演員好合拍，相處得好融洽。我哋有時會出嚟聚會，講番拍攝時嘅笑料，真係好開心。」
曾於澳洲修讀電腦文憑課程的姚子羚，返港後毅然投身娛樂圈，但樣子甜美的她，卻不願意與「美」字扯上任何關係。
姚子羚說：「喺呢行裏面，靚過你嘅人大把啦。我唔想靠靚喺呢行立足，我想靠自己嘅實力，希望有多啲人認識，所以我𠵱家積極搵經理人公司，希望可以幫到我。」
採訪：羅慧敏
攝影：仇志德
服裝提供：SistyrMoon