出年立法會選舉，大家一定會問，華叔重玩唔玩？香港民主之父司徒華話，佢都有少少議而不決，希望大家幫手提高見。
華叔明年都七十三歲，雖然，列根喺呢個年齡，第一任總統都未做完，但華叔再做五年咪七十八？日日近距離對住阿董，對於華叔嘅健康係好大挑戰啫。
不過，有人認為自從馬丁退下，白鴿黨嘅接班人一群仍未成氣候，論政治智慧、台型、悲情都要華叔呢類重磅人物鞭策住，先至唔會散晒，否則會畀民建聯更有機可乘。
一時間，華叔唔知聽得邊個講好，於是就先按下不理，待區議會選完之後再盤算亦唔太遲。
華叔一直好好心機寫佢篇專欄，佢同八方講，的確有諗過出回憶錄，連名都有埋，一本叫《浪花倒影》，一本叫《大江東去》，不過，暫時冇時間動筆，亦唔夠人幫手搜集資料。
傳真︰2623-9278
電郵︰