黃蜂屬於東岸中上游球隊，去季表現不過不失，但盤路卻輸多贏少，主場贏盤率為五成三，作客只得四成二，長捧冇乜着數。不過如果分析該隊往績，發現在部份範圍內下注亦有些斬獲，例如主場少讓一至四分半的十八場比賽，盤路為十一贏、七輸，贏盤率超過六成。
至於客途上，黃蜂受讓一至四分半的比賽捧對家着數，因為這十六場盤路為五贏、十一輸，買對家的贏錢機會近七成。另外，見到黃蜂對塞爾特人及魔術，亦要捧對家為妙。上季黃蜂各四次與這兩隊碰頭，盤路均得一贏、三輸。
相反，當見到黃蜂對速龍就要全力捧黃蜂，皆因在兩隊四場對賽中，黃蜂捧場客四場都有錢收（黃蜂每場平均讓約四分半），不過今季速龍有「加拿大飛人」卡達傷愈復出，戰力勝去年，波友落注時要留意。除速龍外，黃蜂對騎士亦有不俗回報，上季雙方四次碰頭黃蜂有三場贏盤。