十二歲就讀中一的阿如，自三年級開始便修讀電腦科，不過，因為「冇腦」的關係，成績甚差。「其實我好鍾意電腦呢一科，不過，因為屋企冇電腦，好多時老師上堂教過嘅嘢，我返到屋企都冇得練習，所以比較生疏，呢一科我成日都唔及格，經常俾老師鬧。」阿如靦腆地說。
阿如生於破碎家庭，生父在她八個月大的時候，便撇下她和母親不顧，其後母親再婚，可惜婚姻亦不美滿，現阿如與母親及三歲的同母異父妹妹過着單親生活，日子清貧刻苦。
「都係怪自己命苦，最慘係累咗兩個細路。好彩阿如都好乖女、好生性，知道屋企環境唔好，從來冇扭計要買乜買物，舊衫、舊書佢都照用；不過，佢最近就成日問我可唔可以買部電腦畀佢，我諗佢真係好需要。」阿如的母親鄭女士說。
奈何生活迫人，鄭女士慨歎實在無力完成女兒的夢想。「𠵱家開飯都繃繃緊，我邊有能力買部電腦畀佢，就算供都供唔起啦！」
四十三歲的鄭女士稱，由於體弱多病，既患有哮喘，亦有皮膚病及抑鬱症，難以工作，三母女目前正靠綜援金過活。
阿如一臉希冀地說：「如果我真係有部電腦，我一定會好珍惜，好畀心機用嚟學習。」本報了解過阿如的需要後，將於日內安排轉送一部由吳先生捐出的電腦給她。另外，由於天氣轉涼，阿如急需購買冬季校服，惟經濟拮据的鄭女士無力負擔這筆費用，蘋果基金即時撥款一千元，資助她有關方面的開支。
捐款編號：C1157
暖流熱線
電話：29908688
傳真：23702192
電郵：
網址：