丁菲飛和唱片監製區丁玉前晚到新城接受《嘉士伯音樂新朋道》訪問，丁菲飛剛於日前推出籌備了近年半的新專輯，原本新碟定在四月時推出，但因為「沙士」問題而押後到現時才出街。
丁菲飛說：「呢隻碟係另類碟，有好多古典音樂喺入面，亦都係我首次做埋監製，雖然我做完上一張唱片後又停咗一排再做新碟，搞到𠵱家好似冇乜人認識，不過我隻新碟會喺日本、歐洲等地推出，所以我好希望到時有好反應，而我都會畀一隻譚詠麟，等佢畀吓意見。」
此外，丁菲飛早前到雲南拍攝MV時可謂驚險百出，她甫到埗就遇上地震，幸好所處位置不在地震範圍，而在上山拍攝時，更遇上意外，她所乘坐的車突然着火，幸丁菲飛立即逃跑，才不致變成「燒豬」。
採訪、攝影：駱華齡